დონალდ ტრამპის განცხადებაზე, რომ აშშ-მექსიკის საზღვრის დასაცავად შეიარაღებული ძალები იქნება გამოყენებული, მექსიკა აშშ-სგან განმარტებას ითხოვს, - ამის შესახებ „ტვიტერის“ საკუთარ გვერდზე მექსიკის საგარეო საქმეთა მინისტრმა ლუისა ვიდეგარაიამ განაცხადა.

„მექსიკის მთავრობა განსაზღვრავს თავის პოზიციას მიღებული განმარტებისა და ჩვენი სუვერენიტეტისა და ეროვნული ინტერესების დაცვიდან გამომდინარე“, - ნათქვამია მექსიკის საგარეო საქმეთა მინისტრის განცხადებაში.

აშშ-ს პრეზიდენტმა დონალდ ტრამპმა განაცხადა, რომ პენტაგონის ხელმძღვანელთან ჯეიმს მატისთან ერთად მექსიკის საზღვართან ამერიკელი სამხედროების გაგზავნის შესაძლებლობა განიხილა, კერძოდ კი, იმ მონაკვეთებზე, სადაც კედლის აშენება იგეგმება.

„მე ვესაუბრე ჯეიმ მატისს იმის თაობაზე, რომ ჩვენ ჩვენს საზღვრებს არმიის მეშვეობით დავიცავთ, ვიდრე კედელი არ იქნება აშენებული“, - განაცხადა ტრამპმა.