მოსკოვში სავაჭრო ცენტრ „Персей для детей“-ში ხანძარი ლიკვიდირებულია. ამის შესახებ რუსეთის საგანგებო სიტუაციების სამინისტრო იუწყება.

„მეხანძრეებმა სავაჭრო ცენტრის შენობაში გაჩენილი ხანძრის ლიკვიდირება შეძლეს. ხანძრის ჩაქრობისას დაშავდა ერთი და დაიღუპა ერთი ადამიანი. ის საავადმყოფოში მიყვანამდე გარდაიცვალა“, - აცხადებენ უწყებაში.

სავაჭრო ცენტრი „Персей для детей“ 2009 წელს გაიხსნა. სავაჭრო ცენტრში მდებარე მაღაზიებში ბავშვთა ტანსაცმელი და ფეხსაცმელი, ეტლები, საავტომობილო სავარძლები, საბავშვო ავეჯი და საწოლები, ბავშვთა კვების პროდუქტები, წიგნები და სათამაშოები იყიდება. შენობის ბოლო სართულზე საბავშვო გასართობი კლუბი მდებარეობს.