ზაზა ვაშაყმაძე ევროპის საბჭოს ოფისის ხელმძღვანელს საქართველოში კრისტიან ურსეს შეხვდა

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე ევროპის საბჭოს ოფისის ხელმძღვანელს საქართველოში, კრისტიან ურსეს შეხვდა.

როგორც „ინტერპრესნიუსს“ რელიგიის საკითხთა სახელმწიფო სააგენტოდან აცნობეს, ზაზა ვაშაყმაძემ სტუმარს გააცნო ადამიანის უფლებათა სამთავრობო გეგმის ფარგლებში საქართველოს სახელმწიფოს მიერ განხორციელებილი საქმიანობა, საქართველოში მოღვაწე სხვადასხვა რელიგიური ორგანიზაციების შესახებ ძირითადი ცნობები, მათი დაფინანსებისა და საკულტო შენობა-ნაგებობების დაბრუნების მექანიზმები, ასევე რელიგიის სააგენტოს საქმიანობა და ახალი პროექტები.

ზაზა ვაშაყმაძემ ხაზი გაუსვა რელიგიის საკითხთა სახელმწიფო სააგენტოს მიერ ევროპის ქვეყნების გამოცდილების გაზიარებას, რელიგიური ტოლერანტობისა და ადამიანის უფლებების დაცვის მიმართულებით.

ევროსაბჭოს ოფისის ხელმძღვანელმა დადებითად შეაფასა სააგენტოს საქმიანობა, ზაზა ვაშაყმაძეს მიწოდებული ინფორმაციისათვის მადლობა გადაუხადა.

„მოხარული ვარ თქვენთან ვიზიტით, ჩემზე დიდი შთაბეჭდილება მოახდინა თქვენი საქმიანობის მასშტაბებმა, თქვენ მუშაობთ, რათა ხელი შეუწყოთ სხვადასხვა რელიგიური უმცირესობების თანასწორობას საქართველოში“, - განაცხადა კრისტიან ურსემ

მან წარმატებები უსურვა რელიგიის საკითხთა სახელმწიფო სააგენტოს მომავალ საქმიანობაში და ხაზგასმით აღნიშნა, რომ იგი მზად არის სააგენტოს საქმიანობაში, მომავალ პროექტებსა თუ კონფერენციებში აქტიურად ჩაერთოს.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის