მოსკოვის გამზირის მოსახლეობის ნაწილს გაზმომარაგება ავარიულად შეუწყდა. როგორც “ინტერპრესნიუსს“ კომპანია “ყაზტრანსგაზ“ თბილისიდან აცნობეს, დღეს, 15:00 საათზე, ავტომანქანის შეჯახების შედეგად გაზსადენი დაზიანდა, შედეგად გაზმომარაგება ავარიულად შეუწყდა სამგორში, მოსკოვის გამზირის V კვარტლის 1-ლი კომპლექსის ტერიტორიაზე №1 და №2-ში მცხოვრებ მოსახლეობას.
როგორც კომპანიაში განმარტავენ, ბუნებრივი აირის მიწოდების ეტაპობრივი 17:30-18:00 საათამდე ეტაპობრივად მოხდება.
“შპს "ყაზტრანსგაზ-თბილისი" ბოდიშს უხდის აბონენტებს დისკომფორტისთვის და მოუწოდებს მათ, არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.
მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს "ყაზტრანსგაზ-თბილისი" პასუხისმგებელი არ არის“, - აცხადებენ კომპანიაში.