ზურაბ პატარაძე ქართულ-პოლონურ ბიზნეს ფორუმს დაესწრო

აჭარის მთავრობის თავმჯდომარე ზურაბ პატარაძე სასტუმრო „ჰილტონში“ ქართულ-პოლონურ ბიზნეს ფორუმს „ბათუმი-ვროცლავი“ დაესწრო.

როგორც „ინტერპრესნიუსს“ აჭარის მთავრობიდან აცნობეს, ფორუმს აჭარაში ვიზიტით მყოფი ქვემო სილეზიის სავოევოდოს დელეგაციის წევრები, სილეზიის ვიცე-მარშალი ივონა კრავჩუკი და პოლონური კომპანიების წარმომადგენლები ესწრებოდნენ. შეხვედრაზე აჭარის ფინანსთა და ეკონომიკის მინისტრმა რამაზ ბოლქვაძემ აჭარაში მიმდინარე და დაგეგმილ პროექტებზე, საპრივატიზაციო ობიექტებზე, საქართველოში ბიზნესის დაწყების რეგულაციებზე და რეგიონის ეკონომიკის ძირითად პარამეტრებზე ისაუბრა. ფორუმის მონაწილეები სპეციალური პრეზენტაციებით აჭარისა და ქვემო სილეზიის საინვესტიციო, ტურისტულ და სოფლის მეურნეობის კუთხით არსებულ პოტენციალსაც გაეცნენ. შეხვედრის ფარგლებში ქართულ და პოლონურ კომპანიებს შორის პირისპირ შეხვედრები (B2B) გაიმართა, სადაც მხარეებმა სამომავლო თანამშრომლობაზე ისაუბრეს.

ბიზნესფორუმს აჭარის სოფლის მეურნეობის მინისტრი ავთანდილ მესხიძე, აჭარის ტურიზმისა და კურორტების დეპარტამენტის უფროსი სულხან ღლონტი, აჭარასა და ქვემო სილეზიაში მოქმედი კომპანიების (ლოჯისტიკის, ტურიზმისა და სოფლის მეურნეობის სფეროში) 100-ზე მეტი წარმომადგენელი ესწრებოდა. ზურაბ პატარაძე ფორუმის მონაწილეებს მიესალმა და მსგავსი ფორმატის შეხვედრების ჩატარების მნიშვნელობას ხაზი გაუსვა.

„დღევანდელი ფორუმი არის საუკეთესო შესაძლებლობა დამყარდეს პირდაპირი კონტაქტი პოლონელ და ქართველ ბიზნესმენებს შორის, დაიგეგმოს და განხორციელდეს ერთობლივი პროექტები, რაც ხელს შეუწყობს რეგიონის ეკონომიკურ განვითარებასა და წინსვლას, ორ ქვეყანასა და ორ რეგიონს შორის ურთიერთობების გაღრმავებას“, - აცხადებს ზურაბ პატარაძე.

ქვემო სილეზიის ოფიციალური დელეგაცია აჭარას 5 აპრილს დატოვებს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ