ბათუმის ნავთობტერმინალის გენერალური დირექტორი მურატ ჯუმადილლაევი აცხადებს, რომ ბათუმის ნავსადგურის დირექტორის გადაყენება პრეროგატივა არ არის.

თუმცა, როგორც მან ჟურნალისტებს განუცხადა, ყაზახეთიდან ელოდებიან ოფიციალურ პირებს და შესაბამის გადაწყვეტილებას ამის შემდეგ გააჟღერებენ. ჯუმადილლაევის თქმით, ბათუმის საზღვაო ნავსადგურში ფინანსური კრიზისი არ არის.

"ხელისუფლების პროცესებში ჩარევას არ ვადასტურებ, პირიქით, ბიზნესგარემო კარგია. ყაზახური და ქართული ურთიერთობები მნიშვნელოვანია და ამას ვუფრთხილდებით. პორტში რთული ვითარებაა ტვირთბრუნვებთან დაკავშირებით, თუმცა, არა ფინანსური კრიზისი. მე არ მაქვს დირექტორის გადადგომის საკითხის დაყენების კომპეტენცია. ხვალ "ყაზმუნაიგაზის" წარმომადგენლები ჩამოვლენ, ჩაერთვებიან მოლაპარაკებებში და შესაბამის გადაწყვეტილებებს მიიღებენ", - აღნიშნა მან.

ბათუმის საზღვაო ნავსადგურის 6 თანამშრომელი ამ დრომდე შიმშილობს. ისინი ხელმძღვანელობის გადადგომას ითხოვენ.