ავტომობილების ტექნიკური ინსპექტირების საკითხზე დღეს, ეკონომიკის მინისტრის მოადგილე პრესკონფერენციას გამართავს

,,ექსპო ჯორჯიას" მე-3 პავილიონში დღეს, ქვეყანაში ავტომობილების ტექნიკური ინსპექტირებისთვის დამატებითი ტესტირების ცენტრების შესაქმნელად ლოტების გამოცხადების შესახებ, ეკონომიკის მინისტრის მოადგილე გიორგი ჩერქეზიშვილი პრესკონფერენციას გამართავს.

როგორც „ინტერპრესნიუსს“ ეკონომიკის სამინისტროდან აცნობეს, მედიას ასევე გააცნობენ ტექნიკური ინსპექტირების ბოლო სტატისტიკას, ხოლო 11.30 საათზე, ამავე პავილიონში გაიმართება პრეზენტაცია და სამუშაო შეხვედრა, რომელსაც არსებული ტესტირების ცენტრების ხელმძღვანელები და დაინტერესებული, პოტენციური ინვესტორები დაესწრებიან.

პრესკონფერენციას და პრეზენტაციას ეკონომიკის მინისტრის მოადგილე, გიორგი ჩერქეზიშვილი გაუძღვება. სამინისტროს ინფორმაციით, ქვეყანაში პერიოდული ტექნიკური ინსპექტირება 2018 წლის 1-ელ იანვარს დაიწყო და ის რამდენიმე ეტაპად ხორციელდება. პირველ ეტაპზე ინსპექტირებას გადიან სატვირთო (3,5ტონის ზემოთ) და სამგზავრო (8 ადგილს ზემოთ) ავტომანქანები, 2018 წლის ივლისიდან ინსპექტირებას დაექვემდებარება იურიდიული კომპანიებისა და სახელმწიფო საკუთრებაში არსებული მანქანები, შემოდგომიდან დაემატება 3000 კუბ. სმ. მოცულობისა და მაღალი ძრავის მქონე მანქანები, ხოლო 2019 წლის იანვრიდან ყველა დანარჩენი კატეგორია. ამ ეტაპზე საქართველოს მასშტაბით მოქმედებს 37 ტესტირების ხაზი და დაგეგმილია, რომ წლის განმავლობაში ხაზების რაოდენობა 120-მდე გაიზარდოს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს