იენს სტოლტენბერგი - ალიანსი არ ცდილობს რუსეთის იზოლირებას

ნატოს გენერალური მდივნის იენს სტოლტენბერგის განცხადებით, ჩრდილოატლანტიკური ალიანსი არ ცდილობს რუსეთის იზოლირებას სოლსბერის მოწამვლის შემდეგ, მაგრამ მას მოუწია ეპასუხა ამ თავდასხმისთვის, - ამის შესახებ „როიტერი“ იუწყება.

„განვაგრძობთ სწრაფვას რუსეთთან საუკეთესო ურთიერთობებისადმი, რადგან რუსეთი ჩვენი მეზობელია. რუსეთი მეზობლად უნდა დარჩეს. ჩვენ არ ვისწრაფვით რუსეთის იზოლირებისკენ“, - განაცხადა გენმდივანმა.

მისივე თქმით, ნატო შეშფოთებულია უფრო მეტად რუსეთის აგრესიული ქცევით, რომელმაც, სტოლტენბერგის თქმით, ყირიმის ანექსია და აღმოსავლეთ უკრაინის დესტაბილიზება განახორციელა, მხარი დაუჭირა სირიის პრეზიდენტ ბაშარ ალ ასადს და სხვა ქვეყნების საქმეებში ჩაერია.

„არსებობდა მიზეზი იმისა, თუ რატომ მოახდინეს ისეთი რეაგირება ნატომ და მისმა მოკავშირეებმა, როგორი რეაგირებაც მოახდინეს სოლსბერიში თავდასხმაზე, რადგან ეს არ იყო ერთეული შემთხვევა“, - განაცხადა სტოლტენბერგმა.

გასულ კვირას ნატომ ალიანსში რუსეთის მისია 20 რუსი დიპლომატით შეამცირა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა