ჩემი ყველაზე დიდი მოწოდება და რჩევა ამ პარლამენტისთვის არის, რომ სასწრაფოდ, ვიდრე ახალი კონსტიტუცია ძალაში შევა, საარჩევნო კანონი შევცვალოთ, - ამის შესახებ საქართველოს პრეზიდენტმა გიორგი მარგველაშვილმა პარლამენტში, ყოველწლიური მოხსენებისას განაცხადა.
მისი თქმით, საარჩევნო კანონი უნდა შეიცვალოს არა 2024 წელს, არამედ დღესვე.
„ამიტომ ჩემი ყველაზე დიდი მოწოდება და რჩევა ამ პარლამენტისთვის არის, რომ სასწრაფოდ, სანამ ახალი კონსტიტუცია შევა ძალაში, შევცვალოთ საარჩევნო კანონი და არა 2024 წელს, არამედ დღესვე ვიფიქროთ ამ კანონის ცვლილებასა და ხელისუფლების გადანაწილებაზე, რომელიც იქნება სერიოზული წინაპირობა ქვეყნის და მმართველი პარტიის სტაბილურობისთვის“, - აღნიშნა პრეზიდენტმა.