ლიბიაში, ტრიპოლიში უმაღლეს საარჩევნო კომისიაზე ტერორისტების თავდასხმის შედეგად დაღუპულთა რიცხვი შვიდამდე გაიზარდა, - ამის შესახებ ინფორმაციას ტელეარხი „ალ-არაბია“ ავრცელებს.
მათივე ინფორმაციით, თავდამსხმელთა შორის იყვნენ თვითმკვლელი ტერორისტებიც.
საარჩევნო კომისიის წარმომადგენელმა საიდ ალ-ქუდაბიმ განაცხადა, რომ თვითმკვლელი ტერორისტები შენობაში შევარდნენ და თავი აიფეთქეს.
ტელეარხი „ალ-არაბიას“ კორესპონდენტის თქმით, ძალოვანებმა შეძლეს ადგილზე გაენადგურებინათ ორი მებრძოლი. ჟურნალისტის ინფორმაციით, თავდასხმისას ტეორისტებს შესაძლოა მძევლები აეყვანათ, რომელთა შორის სავარაუდოდ, უცხო ქვეყნის მოქალაქეებიც იყვნენ.