პარლამენტში მიმდინარე დებატებს, რომელიც პრეზიდენტ გიორგი მარგველაშვილის წლიური ანგარიშის წარდგენის შემდეგ დაიწყო, პრემიერ-მინისტრი და მინისტრთა კაბინეტის წევრები აღარ ესწრებიან.

პრემიერ-მინისტრმა და მინისტრთა კაბინეტის წევრებმა პარლამენტის შენობა მას შემდეგ დატოვეს, რაც პრეზიდენტის ანგარიში მედიასთან შეაფასეს.

ამ დროისთვის, პარლამენტის სხდომათა დარბაზში, პრემიერ-მინისტრისა და მინისტრებისთვის განკუთვნილი ადგილი თავისუფალია.

აღსანიშნავია, რომ ტრადიციულად, პრემიერ-მინისტრი და მინისტრთა კაბინეტის წევრები პრეზიდენტის ანგარიშის შემდეგ გამართულ დებატებს არ ესწრებიან.

სხდომათა დარბაზში ასევე თავისუფალია, დიპლომატიური კორპუსისთვის განკუთვნილი ადგილები. დიპლომატიური კორპუსის წარმომადგენლებმა სხდომათა დარბაზი პრეზიდენტის ანგარიშის შემდეგ დატოვეს.

ქუთაისში, პარლამენტის შენობაში პრეზიდენტის გამოსვლის შემდეგ დებატები მიმდინარეობს.