მამუკა მდინარაძე - იმ მოჯადოებულ სასახლეში ვინც შევიდა, ყველას მოუნდა, რომ პარლამენტმა და საზოგადოებამ მის ხუშტურებზე იაროს

იმ მოჯადოებულ სასახლეში ვინც შევიდა, ყველას მოუნდა, რომ პარლამენტმა და საზოგადოებამ მის ხუშტურებზე იაროს, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ იმ საკითხზე მსჯელობისას განაცხადა, უნდა მისცენ თუ არა პრეზიდენტს უფლება დეპუტატებთან დისკუსიაში შევიდეს.

„პრობლემა, იცით, რა მგონია? სერიოზულად რომ ვლაპარაკობთ ახლა ამ ყველაფერზე. კაცს ჰქონდა საათი და მეტიც შეეძლო ელაპარაკა და გამოიყენა 23 წუთი და ილაპარაკა არაფერზე. ვერ გაიგო ვერავინ, რაზე ილაპარაკა. ზუსტად იცოდა, რა აქცენტები დაისმებოდა და არცერთ კითხვაზე, რაც საზოგადოებას აწუხებს, პასუხები არ გასცა. ოპოზიცია გვთავაზობს დამატებით, რომ რადგან მცირედი გამონაკლისი დავუშვით და ბოლოში ჰქონდა პასუხის საშუალება მისივე სასარგებლოდ, ახლა საერთოდ გადავდოთ რეგლამენტი გვერდით და მის ხუშტურებზე ვიაროთ. ეს ყველაფერი იმიტომ, რომ იმ მოჯადოებულ სასახლეში ვინც შევიდა, ყველას მოუნდა, რომ მის ხუშტურებზე იაროს ყველამ - პარლამენტმაც, საზოგადოებამაც... ვერ გამოვიდნენ ამ მოჯადოებული წრიდან. კეთილი ინებოს, ჩამოვიდეს თავისი კაბინეტიდან, რომელიც გააჩნია ამ პარლამენტში, დაჯდეს, დაიცვას კანონი, პატივი სცეს საზოგადოებას, მაგრამ ეს არ გამოუვიდა ამ წლების განმავლობაში და დღეს შეიძლება ვერ მოახერხოს და ჩვენ მის ხუშტურებზე ნუ ვივლით“, - განაცხადა მდინარაძემ.

შეგახსენებთ, რომ საქართველოს პრეზიდენტმა მოითხოვა დასკვნით სიტყვამდე დეპუტატების გამოსვლებზე პასუხის გაცემის საშუალება მისცემოდა, რაც პარლამენტის თავმჯდომარის თქმით, რეგლამენტის დარღვევაა. გიორგი მარგველაშვილმა სხდომათა დარბაზი დატოვა, ვიდრე საკანონმდებლო ორგანო დებატების ფორმატზე გადაწყვეტილებას არ მიიღებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს