პარლამენტის რეგლამენტში წერია მინისტრების გამოცხადებაზე, მაგრამ რომ არ მოდიან, ბოდიში და ფეხებზე იკიდებთ ხოლმე, პრეტენზიასაც არ უყენებთ წელიწადია, - ასე მიმართა საპარლამენტო უმრავლესობას „ევროპული საქართველოს“ წევრმა გიგა ბოკერიამ საპარლამენტო უმრავლესობას.

„ღირსებაზე იყო საუბარი უმრავლესობის მხრიდან, თქვენთვის რეგლამენტის დარღვევა ღირსების საკითხია? იმ რეგლამენტში წერია მინისტრების გამოცხადებაზე, მაგრამ რომ არ მოდიან, ბოდიში და ფეხებზე იკიდებთ ხოლმე, პრეტენზიასაც არ უყენებთ წელიწადია. ღირსება მაშინაც უნდა გაგახსენდეთ ხოლმე, როდესაც მინისტრები ოპოზიციას იგნორს უკეთებენ და თქვენ დაგცინიან“, - განაცხადა ბოკერიამ.

მისივე თქმით, პრეზიდენტის საქციელი დარბაზის დატოვებასთან დაკავშირებით არ მოსწონს.

„მოგწონთ თუ არა მარგველაშვილის საქციელიო, იკითხეთ. მე პრეზიდენტი მარგველაშვილი ზოგადად არ მომწონს, არც მაშინ მომწონდა თქვენ, რომ შემოგვთავაზეთ. არც ერთ ეტაპზე არ მომწონდა, არც მინისტრი არ მომწონდა, არც პრეზიდენტი არ მომწონს და არც ეს საქციელი მომწონს“, - მიმართა უმრავლესობას ბოკერიამ.