ზუგდიდის ცენტრში, კოსტავას ქუჩაზე ოქროს ნივთების მაღაზიიდან ძვირფასი ნივთების ძარცვის ფაქტზე გამოძიება დაიწყო.
როგორც შინაგან საქმეთა სამინისტროში განაცხადეს, გამოძიება სისხლის სამართლის კოდექსის 178-ე მუხლით დაიწყო, რაც ძარცვას გულისხმობს. უწყების ცნობით, აქტიური საგამოძიებო მოქმედებები მიმდინარეობს.
შეგახსენებთ, რომ ზუგდიდის ცენტრში, კოსტავას ქუჩაზე, ოქროს ნივთების მაღაზიიდან დღეს ძვირფასი ნივთები გაიტაცეს.
"მამაკაცი შემოვარდა, ყუთს დასტაცა ხელი, სადაც ოქროულობა იდო და გაიქცა", - განაცხადა გამყიდველმა.