ქუთაისში იმერული საოჯახო ღვინოების ფესტივალი გაიმართა

დღეს ქუთაისში, იმერული საოჯახო ღვინოების ფესტივალი გაიმართა. ფესტივალს საქართველოს რეგიონალური განვითარებისა და ინფრასტრუქტურის მინისტრი მაია ცქიტიშვილი დაესწრო.

ფესტივალი სამეფო კომპლექს „ოქროს ჩარდახის“ წინ მოეწყო. ქუთაისის მერმა გიორგი ჭიღვარიამ მაია ცქიტიშვილი იმერული ღვინოების დეგუსტაციაზე მიიწვია. ღვინის ფესტივალის პარალელურად ქუთაისში, ტურიზმის საინფორმაციო ცენტრის ეზოში ყველის ფესტივალი გაიმართა, სადაც იმერული ყველის მომზადების მასტერკლასები მოეწყო.

ღვინისა და ყველის ფესტივალი ქუთაისში „გვირილობის“ დღესასწაულის ფარგლებში გაიმართა.