“გირჩის” ორი წევრის სოლიდარობის მიზნით თბილისის პოლიციის მთავარ სამმართველოსთან მათი მხარდამჭერები არიან შეკრებილი

თბილისის პოლიციის მთავარ სამმართველოსთან, სადაც პოლიტიკური პარტია “გირჩის” ორი ლიდერია გადაყვანილი, პარტია “ნაციონალური მოძრაობის” წევრი კოტე იოსელიანი მივიდა.

როგორც იოსელიანმა ჟურნალისტებს განუცხადა, ეს არის კიდევ ერთი გამოვლინება იმის, რომ ხელისუფლება ცდილობს პოლიციის გამოყენებით, რეალური ოპონენტების განადგურებას. მისივე თქმით, მსგავსი მიდგომები გამოვლინდა სხვადასხვა დროს “ნაციონალური მოძრაობის” წევრებისა თუ მხარდამჭერების დაკავებისას. იოსელიანის შეფასებით, მსგავსი ქმედებით მნიშვნელოვნად სუსტდება სახელმწიფო ინსტიტუციები.

“ხელისუფლება განაგრძობს რეალური ოპონენტების და იმ პარტიის წარმომადგენლების დევნას, რომლებიც ვერ მოისყიდეს. ეს არის ამის კიდევ ერთი დადასტურება, რომ ხდება პოლიტიკური პარტიის ლიდერთა დაკავება ისე, რომ უცნობია ბრალდება. გარკვეული პერიოდი უცნობი იყო მათი ადგილსამყოფელი. ანალოგიური შემთხვევა იყო ჩემთან მიმართებითაც, როდესაც მე დამაკავეს და სახალხო დამცველის წარმომადგენელს 6 საათის განმავლობაში უმალავდნენ ჩემს ადგილსამყოფელს. მსგავს შემთხვევას ვაწყდებით უკანონო ბრალდების მიმართულებით ჩვენს თანაპარტიელ ზვიად კუპრავასთან მიმართებით. სამწუხაროდ, ეს არის მეთოდები, რომლითაც ხელისუფლება ებრძვის რეალურ ოპონენტებს”, - განაცხადა კოტე იოსელიანმა.

ქალაქის მთავარ სამმართველოსთან ასევე იმყოფებიან პარტია “გირჩის” სხვა ლიდერები და მათი მხარდამჭერები. შენობაში რამდენიმე წუთის წინ შევიდა დაკავებულების ადვოკატი გირშელ ძებნიაური.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს