სავაჭრო-სამრეწველო პალატა ბიზნესომბუდსმენთან ერთად რეგიონულ შეხვედრებს იწყებს

საქართველოს სავაჭრო-სამრეწველო პალატა ბიზნესომბუდსმენთან ერთად რეგიონულ ბიზნეს-სექტორთან შეხვედრებს იწყებს. როგორც „ინტერპრესნიუსს“ სავაჭრო-სამრეწველო პალატიდან აცნობეს, 3-დან 5 მაისის ჩათვლით შეხვედრები გორში, ქუთაისში, ზუგდიდში, ოზურგეთსა და ბათუმში ჩატარდება.

მათივე ინფორმაციით, რეგიონული შეხვედრები იმ მემორანდუმის ფარგლებში იმართება, რომელიც აპრილში საქართველოს სავაჭრო-სამრეწველო პალატასა და ბიზნესომბუდსმენს შორის გაფორმდა. დოკუმენტში გაწერილი პირობების შესაბამისად, შეხვედრების ორგანიზებაში რეგიონული სავაჭრო-სამრეწველო პალატები ჩაერთნენ. მემორანდუმის მიხედვით, საქართველოს რეგიონებში ბიზნეს წრეებთან კომუნიკაციაში ბიზნესომბუდსმენს სწორედ საქართველოს სავაჭრო- სამრეწველო პალატა შეუწყობს ხელს.

როგორც სავაჭრო-სამრეწველო პალატაში აცხადებენ, დაგეგმილი ღონისძიებები საინფორმაციო ხასიათისაა. ბიზნესომბუდსმენი რეგიონული ბიზნეს-სექტორის წარმომადგენლებს საკუთარი საქმიანობის შესახებ პრეზენტაციას წარუდგენს, შემდეგ კი შეხვედრა კითხვა-პასუხის რეჟიმში გაგრძელდება და რეგიონული ბიზნესის წარმომადგენლებს საშუალება ექნებათ პრობლემური საკითხების შესახებ კითხვები დასვან. საქართველოს სავაჭრო-სამრეწველო პალატა ბიზნესომბუდსმენის აპარატთან სხვადასხვა მიმართულებით აქტიურად თანამშრომლობს. ირაკლი ლექვინაძემ ამ თანამდებობაზე წარდგენის შემდეგ ბიზნესთან პირველი შეხვედრა სწორედ პალატის ხელშეწყობით გამართა, რომელსაც პალატის წევრი 100-მდე კომპანია ესწრებოდა.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს