პარიზში, საპირველმაისო დემონსტრაციის შემდეგ პოლიციის მიერ დაკავებულების რიცხვმა 280-ს გადააჭარბა. ამის შესახებ ქვეყნის პრემიერ-მინისტრმა ედუარ ფილიპმა განაცხადა.
„სამართალდამცველები კარგად რეაგირებდნენ. დაკავებულია 280-ზე მეტი ადამიანი, მათ შორის 100-ზე მეტს თავისუფლების აღკვეთა მიესაჯა“, - განაცხადა ფილიპმა.
მშრომელთა საერთაშორისო დღისადმი მიძღვნილი დემონსტრაცია, რომელიც პარიზში 1 მაისს გაიმართა, არეულობაში გადაიზარდა. მსვლელობის დროს, 1200-მა ახალგაზრდამ, რომლებსაც ნიღბები ეკეთათ, დაარბია რესტორნები და კაფეები, დაწვა რამდენიმე ავტომობილი.
პოლიციამ მათ წინააღმდეგ ცრელმსადენი გაზი და წყლის ჭავლი გამოიყენა.
ქვეყნის პრეზიდენტმა ემანუელ მაკრონმა მომხდარი დაგმო და განაცხადა, რომ ძალადობაზე პასუხისმგებელი პირები პასუხისგებაში იქნებიან მიცემული.