ლონდონში აფეთქების შედეგად 30-მდე ადამიანი დაშავდა

ლონდონში აფეთქების შედეგად 30-მდე ადამიანი დაშავდა. ამის შესახებ გამოცემა Daily Express იუწყება. მისი ინფორმაციით, აფეთქება სტემფორდ ჰილის რაიონში მოხდა, სადაც ებრაულ დღესასწაულს „ლაგ ბა-ომერს“ ზეიმობდნენ. ტრადიციულად, ამ დღესასწაულზე ებრაელები კოცონს ანთებენ.

გამოცემა წერს, რომ საავადმყოფოებში 10 ადამიანი გადაიყვანეს, კიდევ 20 დაშავებულს ჰოსპიტალიზაცია არ დასჭირდა.

პოლიციის ინფორმაცით, შეტყობინებები იმის თაობაზე, რომ აფეთქების მიზეზი შესაძლოა დანაშაულებრივი ქმედებები გამხდარიყო, არ შესულა.