უკრაინამ ფაქტობრივად დაკარგა დამოუკიდებლობა და ეროვნული ეკონომიკა აშშ-ს მეთაურობით დასავლეთის ქვეყნების მიერ პროვოცირებული შიდა კრიზისის გამო, - განაცხადა რუსეთის საგარეო საქმეთა მინისტრმა სერგეი ლავროვმა იტალიური ჟურნალ Panorma-სთვის მიცემულ ინტერვიუში.
„მრავალი წლის განმავლობაში კიევს აიძულებდნენ გაეკეთებინა მცდარი არჩევანი - „ჩვენთან ან ჩვენს გარეშე“, განევითარებინა თანამშრომლობა აღმოსავლეთთან ან დასავლეთთან, რამაც საბოლოოდ გამოიწვია უკრაინის სახელმწიფოებრიობის ჩამოშლა, რომელიც არასდროს არ გამოირჩეოდა სიმტკიცით. დღევანდელი შედეგია დამოუკიდებლობის დე ფაქტო დაკარგვა, ადამიანების ტანჯვა, ეროვნული ეკონომიკის ნგრევა“, - განაცხადა ლავროვმა.
მინისტრის თქმით, უკრაინაში, შიდა პოლიტიკურ კრიზისში დამნაშავეა „დასავლეთის ქვეყნების ჯგუფი სათავეში შეერთებული შტატებით, რომელიც მთელ მსოფლიოს საკუთარი გავლების სფეროდ თვლის, რომელიც ხალხებს „თავისიანებად“ და „უცხოებად“ ყოფს“.
„დასავლეთის მოქმედებებში არაფერია პროუკრაინული, ყველაფერი ანტირუსულია. ჩვენ ვხედავთ, რომ აშშ-სა და რიგი მისი სატელიტებისთვის საუბარი ევრო-ატლანტიკურ ზონაში ერთიანი მშვიდობის სფეროს, უსაფრთხოებისა და სტაბილურობის შექმნაზე იყო შირმა, გეოპოლიტიკური სფეროს ხელში ჩაგდების არქაული პრაქტიკის საფარველი, გამყოფი ხაზების აღმოსავლეთით გადაადგილება, როგორც ნატო-ს გაფართოვების, ისე „აღმოსავლეთ პარტნიორობის“ პროგრამის რეალიზაციით“, - აღნიშნა ლავროვმა.