ცოტნე ანანიძე ჟურნალისტებს პრესის თავისუფლების მსოფლიო დღეს ულოცავს

აჭარის უმაღლესი საბჭოს ადამიანის უფლებათა დაცვის საკითხთა კომისიის თავმჯდომარე ცოტნე ანანიძე ჟურნალისტებს პრესის თავისუფლების მსოფლიო დღეს ულოცავს. მილოცვის განცხადებას აჭარის ავტონომიური რესპუბლიკის უმაღლესი საბჭო ავრცელებს.

„მსოფლიო ათასწლეულის განვითარების მიზნების მიღწევის მცდელობაშია და მდგრადი განვითარების ახალი გლობალური დღის წესრიგის ჩამოყალიბებას ცდილობს, რომელშიც პრესისა და გამოხატვის თავისუფლებამ უნდა გაიმარჯვოს ყველა დონეზე, მშვიდობიან და უსაფრთხო გარემოში, ადამიანის უფლებების პატივისცემის გათვალისწინებით.

ყველას უნდა შეეძლოს თავისუფლად მოიძიოს, მიიღოს და გაავრცელოს ინფორმაცია ნებისმიერი მედიასაშუალებით, ინტერნეტში ან ფორუმზე. ხარისხიანი ჟურნალისტიკა კი ხელს უწყობს მოქალაქეების, საზოგადოების ინფორმირებულობას, ინფორმირებული გადაწყვეტილებების მიღებას. შესაბამისად, ეხმარება უსამართლობის, კორუფციის და ძალაუფლების ბოროტად გამოყენების წინააღმდეგ ბრძოლას. ამდენად, მნიშვნელოვანია ჟურნალისტიკის განვითარებისთვის არსებობდეს ხელსაყრელი გარემო, რომლის დროსაც ჟურნალისტის დამოუკიდებლობის ხარისხი იქნება მაღალი, ყოველგვარი უშუალო ჩარევის/ზეწოლის, ცენზურის გარეშე უსაფრთხოების გარანტიებით.

მინდა პატივი მივაგო ყველა იმ ჟურნალისტის ხსოვნას, რომლებმაც თავი გასწირეს პროფესიული საქმიანობის განხორციელებისას და შესაბამისად, თითოეული ჩვენგანის თავისუფლებისთვის ბრძოლაში, აქვე ვულოცავ ყველა აქტიურ და ყოფილ ჟურნალისტს, ჩემს ყოფილ კოლეგებს პრესის თავისუფლების მსოფლიო დღეს. ვფიქრობ, ერთად უნდა გამოვიჩინოთ ძალისხმევა, რათა მეტად შევუწყოთ ხელი პრესის თავისუფლებისა და მისი დემოკრატიული ხასიათის უზრუნველყოფას, ჟურნალისტების დაცვას, ვინაიდან პრესის თავისუფლების მხარდაჭერით, სინამდვილეში ჩვენ ვიცავთ ჩვენს უფლებებს“, - ნათქვამია განცხადებაში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს