კვლევის თანახმად, საფრანგეთის პრეზიდენტის ეკონომიკური პოლიტიკა გამოკითხული მოსახლეობის ნახევარზე მეტს არ მოსწონს

საფრანგეთის პრეზიდენტის ემანუელ მაკრონის ეკონომიკური პოლიტიკა გამოკითხული მოსახლეობის ნახევარზე მეტს არ მოსწონს, - ამის შესახებ Odoxa ცენტრის მიერ ტელეარხ BFMTV-სთვის ჩატარებულ კვლევაშია ნათქვამი.

კვლევის თანახმად, გამოკითხული ფრანგების 58% უარყოფითად არის განწყობილი მაკრონის ეკონომიკური პოლიტიკის მიმართ, 42% კი დადებითად აფასებს. კვლევის თანახმად, მარკონის ეკონომიკური პოლიტიკის მიმართ ნდობა 2017 წლის ივლისის შემდეგ 7%-ით შემცირდა.

კვლევა 25-26 აპრილს ჩატარდა, რომელშიც 1007-მა ადამიანმა მიიღო მონაწილეობა. ცდომილება 2,5%-ს შეადგენს.

აღსანიშნავია, რომ საფრანგეთში აპრილის დასაწყისიდან მიმდინარეობს რკინიგზელების მასობრივი გაფიცვები, უკმაყოფილებას გამოთქვამენ ფრანგი სტუდენტებიც. რკინიგზის თანამშრომლები მათ დარგში რეფორმების წინააღმდეგ გამოდიან. სტუდენტები განათლების რეფორმას ეწინააღმდეგებიან, რომლის თანახმადაც გამოცდების პროცესში სერიოზული ცვლილებები შედის.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან