რელიგიის საკითხთა სახელმწიფო სააგენტო ყველა იუდეველს ლაგ ბა-ომერს ულოცავს

რელიგიის საკითხთა სახელმწიფო სააგენტო ყველა იუდეველს ლაგ ბა-ომერს ულოცავს. რელიგიის საკითხთა სახელმწიფო სააგენტოს ინფორმაციით, ლაგ ბა-ომერი უძველესი იუდეური დღესასწაულია.

„დღეს იუდეველები ერთ-ერთ მნიშვნელოვან დღესასწაულს - ლაგ ბა-ომერს ზეიმობენ. ლაგ ბა-ომერი უძველესი იუდეური დღესასწაულია. სხვადასხვა გადმოცემის თანახმად, რომაელთაგან დაპყრობილ ისრაელში თორის სწავლების აკრძალვასა და ებრაელთა პროტესტს, რომაელებზე ებრაელთა გამარჯვებას და რაბი შიმონ ბარ იოხაის ხსენებას უკავშირდება. ლაგ-ბაომერი საზეიმო დღესასწაულია, ამ დღეს ლოცვაში, სიმღერასა და ცეკვაში ატარებენ, ანთებენ კოცონს. რელიგიის საკითხთა სახელმწიფო სააგენტო ულოცავს ლაგ ბა-ომერს ყველა იუდეველს, საქართველოს ებრაელ მოქალაქეებს, კეთილდღეობას და წარმატებას უსურვებს მათ“, - აცხადებენ სააგენტოში.