„ნაციონალური მოძრაობის“ ფრაქციის თავმჯდომარის რომან გოცირიძის განცხადებით, სატელევიზიო დებატები უნდა შედგეს გიორგი მარგველაშვილსა და ბიძინა ივანიშვილს შორის. მისი თქმით, მხოლოდ ასეთი დებატები იქნება ლოგიკური.
„ხუთი წლის განმავლობაში ხდებოდა პრეზიდენტის ნებისმიერი აზრის იგნორირება და რაღა ახლა გადაწყვიტეს, რომ საჭიროა პრეზიდენტის აზრის გაგება დებატების რეჟიმში? მე რომ პრეზიდენტი ვიყო დავთანხმდებოდი, ოღონდ დებატები უნდა წარიმართოს „ქართული ოცნების“ რეალურ ხელმძღვანელთან, ეს არის ბიძინა ივანიშვილი. გუშინ, საპარლამენტო დებატები არ სურდათ, ჩაშალეს რეგლამენტური ახირების გამო. ახლა უნდათ სატელევიზიო სივრცეში დებატები. მარგველაშვილსა და ივანიშვილს შორის, როგორც ქვეყნის არაფორმალურ მმართველს, უკვე პარტიის ოფიციალურ ხელმძღვანელს შორის დებატები იქნებოდა ლოგიკური და არა მარგველაშვილისა და რომელიღაც ფრაქციის ჭ–კლასის პოლიტიკოსების მონაწილეობით“, - განაცხადა გოცირიძემ.
შეგახსენებთ, რომ საპარლამენტო უმრავლესობა პრეზიდენტს სატელევიზიო დებატებს სთავაზობს.