ე.წ. რიყის დოქების დასრულება მოხდება და გუნდი იმსჯელებს თუ რა განთავსდება და რისთვის იქნება გამოყენებული, - ამის შესახებ თბილისის მერმა კახა კალაძემ განაცხადა.

მისი თქმით, აღნიშნული კონსტრუქცია ეკონომიკის სამინისტროს ბალანსზეა.

"რიყის პარკში არსებული კონსტრუქციები არის ეკონომიკის სამინისტროს ბალანსზე. მათი პრეროგატივაა ამ ე.წ. დოქების განკარგვა. თუმცა, გუნდში ამაზე საუბარი იყო და შეთანხმება იქნა მიღწეული, რომ ასე დატოვება როგორც ახლაა, კატეგორიულად მიუღებელია ჩვენთვის. მოხდება მისი დასრულება. თუ რა განთავსდება და რისთვის იქნება გამოყენებული გუნდი ამაზე იმსჯელებს", - განაცხადა კახა კალაძემ.