„სამედიცინო კორპორაცია ევექსის“ თბილისის პოლიკლინიკებში თამბაქოსადმი თავის დანებების სერვისი ამოქმედდა

ყველა მოქალაქეს ვისაც სურს თამბაქოს მოწევას თავი დაანებოს, „სამედიცინო კორპორაცია ევექსი“ თბილისის მასშტაბით უახლეს სამედიცინო კვლევებზე დაფუძნებულ თამბაქოსადმი თავის დანებების სერვისს სთავაზობს. ამის შესახებ „ინტერპრესნიუსს“ „სამედიცინო კორპორაცია ევექსიდან“ აცნობეს.

მათივე ინფორმაციით, ნიკოტინ-დამოკიდებულ პაციენტებს მეთვალყურეობას საგანგებოდ გადამზადებული სამედიცინო პროფესიონალები გაუწევენ, მკურნალობის კურსი ინდივიდუალურად იგეგმება და დამოკიდებულია მოხმარებული თამბაქოს დღიურ დოზაზე და მწეველობის ისტორიის ხანგრძლივობაზე.

მკურნალობის დაწყებამდე და პროცესში ექიმების მიერ ზედმიწევნით მოწმდება, პაციენტის კარდიალური (გული) და პულმონალური (ფილტვები) სისტემა, ასევე ხდება ყველა იმ გვერდითი ეფექტის მართვა, რაც თამბაქოს თავის დანებებას თან სდევს.

ნიკოტინური შიმშილის მოხსნა ხორციელდება სპეციალური მედიკამენტით, რომლის მიღების შემდეგაც პაციენტს მოწევის სურვილი აღარ უჩნდება. პროცესში ჩართულები არიან ასევე ფსიქოლოგები, რომლებიც პაციენტებთან ჯგუფურ სეანსებს ჩაატარებენ.

ნიკოტინდამოკიდებულება, სხვა მავნე ჩვევებთან შედარებით ერთ-ერთი ყველაზე რთულად სამართავი პროცესია.

აღნიშნული სამედიცინო სერვისი თამბაქოს კონტროლის მსოფლიო ალიანსის ექსპერტების მიერაა შემუშავებული და მისი ეფექტიანობა 80 %-ს შეადგენს.

„სამედიცინო კორპორაცია ევექსი“ სოციალური პასუხისმგებლობის ფარგლებში თბილისის მოსახლეობას სერვისს 1 მაისიდან სამი თვის განმავლობაში უფასოდ მიაწვდის.

დამატებითი ინფორმაციისათვის დარეკეთ ევექსის ცხელ ხაზზე: 2 55 05 05

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს