ნიკოლ ფაშინიანის პრემიერ-მინისტრის პოსტზე ხელახლა წარსადგენად უკვე საკმარისი ხელმოწერებია შეგროვებული,- ამის შესახებ „ფეისბუქის“ საკუთარ გვერდზე ფაშინიანის კოლეგამ საპარლამენტო ფრაქცია „იელქიდან“, არარატ მირზოიანმა დაწერა.
ფაშინიანს მხარი დაუჭირეს ოპოზიციური ფრაქციების სხვა წარმომადგენლებმაც.
ფაშინიანის კანდიდატურა ხელმეორედ ოფიციალურად ჯერ არ წარუდგენიათ. ამისათვის ფრაქცია „იელქმა“, რომელმაც მისი კანდიდატურა დააყენა, ხელმოწერები უნდა წარუდგინოს პარლამენტის სპიკერს. პრემიერ-მინისტრის პოსტზე წარსადგენად 35 დეპუტატის ხელმოწერაა საჭირო. სომხეთის რესპუბლიკურმა პარტიამ განაცხადა, რომ ოპოზიციის კანდიდატს მხარს დაუჭერს.