ტურიზმის ეროვნული ადმინისტრაცია მომსახურების ხარისხის გაუმჯობესების მიზნით, ტრენინგებს აგრძელებს

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია მომსახურების ხარისხის გაუმჯობესების მიზნით, ტრენინგებს აგრძელებს.

როგორც „ინტერპრესნიუსს“ ტურიზმის ადმინისტრაციიდან აცნობეს, თბილისში მდებარე განთავსების ობიექტების მომსახურე პერსონალს "პირველადი სამედიცინო დახმარების" კურსი ჩაუტარდა.

მათი ცნობით, ტრენინგში სხვადასხვა სასტუმროს 60 თანამშრომელი მონაწილეობდა.

“სწავლება როგორც თეორიულ, ასევე პრაქტიკულ ნაწილს მოიცავდა. ტრენინგი ორგანიზაცია წითელი ჯვრის ორგანიზებით მოეწყო. გადამზადების კურსი შემდეგ თემატიკას მოიცავდა: პირველადი და მეორადი დათვალიერება, გულ-ფილტვის რეანიმაცია, პირველადი დახმარება: უცხო სხეულების გადაცდენის დროს სასუნთქ გზებში, ჭრილობის დროს, სისხლდენის შემთხვევაში გულის წასვლის და გულყრის დროს, ზედოზირების შემთხვევაში (ალკოჰოლური და ნარკოტიკული) მოწამვლის დროს, პირველადი დახმარების აღმოჩენის ძირითადი პრინციპები ტრავმების დროს და ა.შ.“, - აცხადებენ ტურიზმის ადმინისტრაციაში.

ტრენინგის დასრულების შემდეგ მონაწილეებს სპეციალური სერთიფიკატები გადაეცათ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს