5 მაისიდან საქართველოს სასკოლო სპორტული ოლიმპიადის აღმოსავლეთ და დასავლეთ საქართველოს ზონალური თამაშები იწყება, რომელშიც რეგიონულ თამაშებში გამარჯვებული სკოლების გოგონათა და ვაჟთა გუნდები სპორტის სხვადასხვა სახეობაში მიიღებენ მონაწილეობას.
როგორც „ინტერპრესნიუსს“ საქართველოს ბავშვთა და სასკოლო სპორტის ეროვნული ფედერაციიდან აცნობეს, 5 და 6 მაისს ზონალური თამაშები შემდეგ სახეობებში გაიმართება:
დასავლეთ საქართველოს სასკოლო სპორტულ ჩემპიონატს ფრენბურთში ზუგდიდის სპორტის სასახლე უმასპინძლებს.
რაც შეეხება აღმოსავლეთ საქართველოს, ხელბურთის სასკოლო ჩემპიონატი თბილისში „სპორტკომპლექს არენა 1-ზე“ ჩატარდება.
მაისის თვეში აღმოსავლეთ და დასავლეთ საქართველოს ზონალური თამაშები ყოველ შაბათ-კვირას გაიმართება.
ივნისში კი საქართველოს სასკოლო სპორტული ოლიმპიადის ფინალური თამაშები საქართველოს ჩემპიონებს გამოავლენს.
საქართველოს სასკოლო სპორტული ოლიმპიადის ორგანიზატორები არიან საქართველოს ბავშვთა და სასკოლო სპორტის ეროვნული ფედერაცია; განათლებისა და მეცნიერების სამინისტრო; კულტურისა და სპორტის სამინისტრო; საქართველოს სასკოლო სპორტული ოლიმპიადის მხარდამჭერია საქართველოს ეროვნული ოლიმპიური კომიტეტი;
საქართველოს სასკოლო სპორტული ოლიმპიადის გენერალური სპონსორია „ვითიბი ბანკი“.