გიორგი მარგველაშვილი - მთელი ევროპა და ამერიკა შემოვიარე ტატუნაშვილის თემით, მე რომ ამ ბრალდებას წამომიყენებ, ტატუნაშვილის თემაზე არ ისაუბრაო, სერიოზულია ეს?!

მთელი ევროპა და ამერიკა შემოვიარე ტატუნაშვილის თემით, მე რომ ამ თემას წამომიყენებ, რომ ტატუნაშვილის თემაზე არ ისაუბრაო, სერიოზული კომენტარია ეს?!, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია „პირველის“ ეთერში განაცხადა.

მისი თქმით, პარლამენტში გამოსვლისას არსებითი თემა იყო რუსეთი, ცივი ომის პერიოდი, საქართველოს ამერიკული ორიენტაციისთვის გადასადგემლი ნაბიჯები.

„როდესმე „ქართული ოცნება“ გამოსულა და უთქვამს, რა კარგი მოხსენება ჰქონდა პრეზიდენტს?! როდესმე „ნაციონალური მოძრაობა“ გამოსულა და უთქვამს, რომ მადლობა, ასეთი კარგი მოხსენება გქონდაო?! არა... ერთი წლის წინ, თუ ორი წლის წინ, მქოდა ერთსაათიანი მოხსენება და მაშინ დეტალურად, ასე ხატოვნად თემები ჩავშალე. მაშინ თქვეს, ლექციას რატომ გვიკითხავს, ჩვენ ისედაც ყველაფერი კარგად გვესმისო... მე ამ გამოსვლაზე გადავწყვიტრე და რა თქმა უნდა სტილი შევცვალე, მაგრამ მე რომ სტილს ვცვლი, თავი კი არ უნდა მივიმართლო, რომ რატომ გავაკეთე ასეთი მოხსენება. მე უნდა უნდა მელაპარაკოს ვინმე იმ თემებზე, რა თემებზეც მე ვისაუბრე. სტილი შევცვალე სრულიად შეგნებულად და გავაკეთე მოკლე მესიჯური მოხსენება. უბრალოდ სტილია სხვა. აქამდე უფრო ფართოდ ვყვებოდი, ახლა გადავწყვიტე მესიჯური მოხსენების გაკეთება, ისადაც ყველა თემას შევეხე და თითო წინადადება იყო მესიჯი“, - განაცხადა მარგველაშვილმა.

„ქართული ოცნების“ განცხადებით, პრეზიდენტმა ყოველწლიური ანგარიშის წარდგენისას არ ისაუბრა ისეთ მნიშვნელოვან თემაზე, როგორიც არჩილ ტატუნაშვილის მკვლელობის საქმეა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს