ჩვენ ფაქტის წინაშე დავდექით, როცა ერთპარტიული მმართველობის ქვეყანაში მმართველი პარტია ამბობს, რომ დაშლილია, - ამის შესახებ პრეზიდენტმა გიორგი მარგველაშვილმა „TV პირველის“ ეთერში განაცხადა.
პრეზიდენტისთვის გაუგებარია ამ ფონზე მის მიერ პარლამენტში დასმულ კითხვებზე პასუხი ვის უნდა გაეცა. „ჩვენ ფაქტის წინაშე დავდექით, რომ ერთპარტიული მმართველობის ქვეყანაში მმართველი პარტია ამბობს, რომ დაშლილია. ჩემს გუშინდელ შეკითხვებზე პასუხი ვის უნდა გაეცა? ერთპარტიული მმართველობის ქვეყანაში მმართველი პარტია გიფიქსირებს, რომ ვერ შედგა პარტიად და უმუშევრობაზე პასუხს ვინ გაგცემს?!“, - განაცხადა მარგველაშვილმა.