სასამართლოსა და ხელისუფლების სხვა შტოებს შორის ურთიერთობაზე სემინარი გაიმართა

ურთიერთდამოკიდებულება სასამართლოსა და ხელისუფლების სხვა შტოებს შორის - გამოწვევები და სტრატეგია - ამ თემაზე სასტუმრო,,ლოპოტის ტბის“ საკონფერენციო დარბაზში, სასამართლოსა და ხელისუფლების სხვა შტოებს შორის სამუშაო შეხვედრა გაიმართა.

როგორც „ინტერპრესნიუსს“ საქართველოს უზენაესი სასამართლოს პრესსამსახურიდან აცნობეს, სამუშაო შხვედრა ჩატარდა ევროპის საბჭოს პროექტის ,,სასამართლო რეფორმის მხარდაჭერა საქართველოში“ - ფარგლებში, რომელიც ფინანსდება ბულგარეთის, ლიხტენშტეინის სამეფოს, ნორვეგიის, ლიტვის, სლოვაკეთის რესპუბლიკისა და შვედეთის კეთილი ნების შემოწირულობით. აღნიშნული პროექტის მიზანია ევროპის საბჭოს 2016-2019 წლების სამოქმედო გეგმის განხორციელება.

„შეხვედრის მონაწილეებს მიესალმენ ევროპის საბჭოს ოფისის ხელმძღვანელი საქართველოში კრისტიან ურსე, საქართველოს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე და იუსტიციის უმაღლესი საბჭოს მდივანი გიორგი მიქაუტაძე. როგორც ევროსაბჭოს ოფისის ხელმძღვანელმა თავის გამოსვლაში აღნიშნა, სასამართლოსა და ხელისუფლების სხვა შტოებს შორის ურთიერთობის გაუმჯობესება დაკავშირებულია საქართველოში მართლმსაჯულების სტრატეგიისა და სამოქმედო გეგმის განხორციელებასთან, რამაც ხელი უნდა შეუწყოს საქართველოში დამოუკიდებელი, მიუკერძოებელი, ეფექტური და სამართლიანი სასამართლოს ჩამოყალიბებას, და ამ ურთიერთობის ჩამოყალიბება უნდა მოხდეს საზოგადოების საუკეთესო ინტერესებიდან გამომდინარე.

საქართველოს უზენაესი სასამართლოს თავმჯდომარემ თავის გამოსვლაში აღნიშნა, რომ მართლმსაჯულების რეფორმის წარმატებით განხორციელება ითვალისწინებს სასამართლო, საკანონმდებლო და აღმასრულებელ ხელისუფლებებს შორის მჭიდრო თანამშრომლობას და ამ ფორმატით უკვე დაწყებულია მუშაობა საქართველოს სასამართლო ხელისუფლებას, საქართველოს პარლამენტსა და იუსტიციის სამინისტროს შორის, რისი დადებითი შედეგებიც უკვე გვაძლევს იმედს, რომ რეფორმები მაქსიმალურად სწრაფად მოახდენს მართლმსაჯულების სისტემის გაუმჯობესებას. შეხვედრის მონაწილეებს დღის წესრიგით გათვალისწინებული სესიის ფარგლებში - სასამართლოს პოზიცია ხელისუფლების სხვა შტოებთან მიმარრთებით, თემაზე CCJE-დასკვნა ?18 და სხვა ინსტრუმენტები - ევროპის საბჭოს სტანდარტები სასამართლოსა და ხელისუფლების სხვა შტოებს შორის ურთიერთობის შესახებ, ესაუბრა მაკედონიელი ექსპერტი, მოსამართლე ანეტა არნაუდოვსკა, რომელმაც ასევე ისაუბრა გარე და შიდა ზეწოლის მაგალითებზე - შედარებით ანალიზზე ევროპის საბჭოს წევრი სახელმწიფოების მაგალითზე.

სემინარის მეორე სესია მიეძღვნა სასამართლოსა და მედიის ურთიერთობის თემას, რომლის მომსენებელიც გახლდთ ბრიტანელი ექსპერტი დოქტორი ლივ ჟისი. ექსპერტმა წარმოადგინა თემა - ევროპის საბჭოს სტანდარტები, ადამიანის უფლებათა ევროპული სასამართლოს პრეცედენტული სამართალი და თანამედროვე გამოწვევები. დოქტორმა ლივ ჟისმა ასევე ისაუბრა საკითხზე: პასუხი მედიასთან ურთიერთობის კრიზისზე: სამი კრიზისული სიტუაციის განხილვა. ამავე სესიის ფარგლებში, საქართველოში სასამართლოს კომუნიკაციის სტრატეგიის პროექტის პრეზენტაცია გააკეთა ევროკავშირის სასამართლოს მხარდაჭერის პროექტის წარმომადგენელმა ნინი გოგიბერიძემ. ხვალ სემინარის მონაწილეები მოისმენენ მოსამართლე ანეტა არნაუდოვსკას მოხსენებას - მოსამართლეზე ზეწოლის შემცირების მექნიზმები (შედარებითი ანალიზი) და შეაჯამებენ კონფერენციის შედეგებს“, - ნათქვამია უზენაესი სასამართლოს პრესსამსახურის მიერ გავრცელებულ ინფორმაციაში.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან