რუსეთი თავისი პოლიტიკური სიბრძნის წყალობით, სირიაში მესამე მსოფლიო ომის გაჩაღებას არ დაუშვებს, - ამის შესახებ ბერძნულ გაზეთ Kathimerini-სთან ინტერვიუში სირიის პრეზიდენტმა ბაშარ ასადმა განაცხადა.

კითხვაზე, აწუხებს თუ არა მას ის, რომ მესამე მსოფლიო ომი შესაძლოა სირიაში დაიწყოს, სირიის ლიდერმა უპასუხა: „არა და ამის მიზეზი ერთია - საბედნიეროდ, რუსეთის ბრძნულ ლიდერობას აქვს ადგილი, რაც გამორიცხავს მესამე მსოფლიო ომის გაჩაღებას“.

სირიის პრეზიდენტმა ასევე განაცხადა, რომ ერთადერთი მისია, რომელსაც აშშ ახორციელებს, სირიაში ტერორისტების მხარდაჭერაა.