ქართველმა ძიუდიოსტებმა, პრემიერთან შეხვედრის მოთხოვნით, მთავრობის ადმინისტრაციაში წერილობითი განცხადება შეიტანეს. ძიუდოისტები იმედოვნებენ, რომ მთავრობის მეთაური ფედერაციაში არსებული პრობლემებით უშუალოდ დაინტერესდება და მათ პოზიციებს მოისმენს.

ქართველი ძიუდოისტები მთავრობის ადმინისტრაციის შენობასთან ამ დრომდე რჩებიან. მათი მთავარი მოთხოვნაა, ძიუდოს ფედერაციის პრეზიდენტის გადადგომა.

ძიუდოისტები ფედერაციის პრეზიდენტის დავით ქევხიშვილის გადადგომას მას შემდეგ ითხოვენ, რაც ნაკრებმა წარუმატებლობა განიცადა. ისინი ფედერაციაში არსებულ ნეპოტიზმზე და სპორსტსმენებისადმი შერჩევით დამოკიდებულებაზე ამახვილებენ ყურადღებას, რამაც მათივე შეფასებით, შეჯიბრებებზე მიღებულ უარყოფით შედეგებზე გავლენა მოახდინა.