მწერალ დავით მაღრაძის ახალი წიგნის, “ნაფეხურები წყალზე“ პრეზენტაცია დღეს, წინანდალში გაიმართება

მწერალ დავით მაღრაძის ახალი წიგნის, “ნაფეხურები წყალზე“ (“Footprints On Water“) პრეზენტაცია 28 მაისს, წინანდალში გაიმართება, - ამის შესახებ “ინტერპრესნიუსს“ დავით მაღრაძემ განუცხადა.

მისივე თქმით, სპეციალურად პრეზენტაციისთვის მემორანდუმის გასაფორმებლად საქართველოს ეწვივნენ უმსხვილესი ამერიკული გამოცემა Rare Bird Books-ის პრეზიდენტი, ტაისონ კორნელი და კომპანიის აღმასრულებელი დირექტორი.

“ერთ-ერთი უმსხვილესი ამერიკული გამომცემლობა, Rare Bird Books-ის პრეზიდენტი და აღმასრულებელი დირექტორი ჩამოდიან საქართველოში. წიგნის პრეზენტაცია გაიმართება წინანდალში, რომელიც მიეძღვნება საქართველოს პირველი დემოკრატიული რესპუბლიკის დაარსების 100 წლის იუბილეს. ხელი მოეწერება ასევე მემორანდუმს ჩემსა და გამომცემელს შორის, რომელიც წიგნის პოპულარიზაციას ითვალისწინებს. უკვე შეერთებულ შტატებში დაიწყება პრეზენტაციები, პირველი იქნება ნიუ იორკში და სულ 33 ქალაქში გაიმართება. წიგნის ტირაჟი ძალიან დიდია. წიგნს hქვია “ნაფეხურები წყალზე“ და მასში დაბეჭდილია ორი პოემა - “ჯაკომო პონტი“ და „შენთვის“, ასევე სხვადასხვა ლექსები. რაც შეეხება გამოხმაურებას, იმედი მაქვს, გამოხმაურება ჩემი მოლოდინის შესაფერისი იქნება. იმდენად დეტალურად აქვთ გაწერილი ამ წიგნის ბედი ამერიკელ გამომცემლებს, რომ თითქმის შეიძლება ითქვას, იმედის საფუძველი არსებობს, რომ გამოხმაურება მოლოდინის შესაფერისი იქნება“, - განაცხადა მაღრაძემ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!