დღეს, საგარეო საქმეთა სამინისტროში, საქართველოსთვის ევროპის საბჭოს 2016-2019 წლების სამოქმედო გეგმის მუდმივმოქმედი კომიტეტის შეხვედრა გაიმართება, - ამის შესახებ "ინტერპრესნიუსს" საგარეო საქმეთა სამინისტროდან აცნობეს.

მათი ინფრმაციით, აღნიშნული სამოქმედო გეგმა ევროპის საბჭოს მინისტრთა კომიტეტმა, საქართველოს ხელისუფლებასთან კონსულტაციების შედეგად, 2016 წლის მარტში მიიღო.

შეხვედრის მიზანია სამოქმედო გეგმით გათვალისწინებული პროექტების შესრულების შესახებ ინფორმაციის შეჯერება და სამომავლო პროექტების განხილვა. შეხვედრის ფარგლებში მონაწილეებს მისასალმებელი სიტყვით მიმართავენ საგარეო საქმეთა მინისტრის პირველი მოადგილე, დავით ზალკალიანი და ევროპის საბჭოს პროგრამების გენერალური დირექტორატის ხელმძღვანელი, ვერენა ტეილორი.