ორი დღე-ღამის განმავლობაში ესპანელმა მაშველებმა ხმელთაშუა ზღვაში 536 მიგრანტი გადაარჩინეს. მიგრანტები ჩრდილოეთ აფრიკიდან ევროპაში მოხვედრას ცდილობდნენ. ამის შესახებ „დოიჩე ველე“ წერს.
გუშინ მაშველებმა 243 მიგრანტი გადაარჩინეს, რომლებიც 8 მცირე ნავით გადაადგილდებოდნენ.
სააგენტო AFP-ს ინფორმაციით, 8 ნავიდან 3 მომენტალურად ჩაიძირა, რადგან ძალიან ცუდ მდგომარეობაში იმყოფებოდა.
შაბათს კი ესპანელმა მაშველებმა 9 ნავიდან 293 ადამიანი გადაარჩინეს.