ექიმების ინფორმაციით, ბათუმში თავდასხმის შედეგად დაშავებული 35 წლის ქალის ჯანმრთელობის მდგომარეობა კრიტიკულია

ბათუმში თავდასხმის შედეგად დაშავებული 35 წლის ქალის ჯანმრთელობის მდგომარეობა კრიტიკულია,- ამის შესახებ „ინტერპრესნიუსს“ ბათუმის საერთაშორის საუნივერსიტეტო ჰოსპიტალის ექიმმა დავით გონაშვილმა განუცხადა. მისი ინფორმაციით, დაჭრილი ქალი რეანიმაციულ განყოფილებაში მართვით სუნთქვაზე იმყოფება. მას სახის, ზურგისა და მუცლის არეში მრავლობითი ჭრილობები აღენიშნება. ექიმის თქმით, დაშავებულს სასწრაფო ოპერაცია ჩაუტარდა.

"მდგომარეობა კრიტიკულია და მართვით სუნთქვაზე იმყოფება. პაციენტს ჭრილობები კისრის, ზურგის, თავისა და მუცლის არეში აღენიშნება, მას სასწრაფო ოპერაცია ჩაუტარდა“,- განაცხადა დავით გონაშვილმა.

შეგახსენებთ, რომ გუშინ, ბათუმში, ერთ-ერთ საცხოვრებელი კორპუსის ლიფტში ქალს თავს დაესხნენ და ცივი იარაღით ჭრილობები მიაყენეს. როგორც მეზობლებმა ჟურნალისტებთან საუბრისას განაცხადეს, თავდამსხმელი ახალგაზრდა ქალისთვის ოქროს ყელსაბამის წართმევას ცდილობდა.

საქართველოს შინაგან საქმეთ სამინისტრომ ფაქტზე გამოძიება „სისხლის სამართლის კოდექსის“ 19-108 მუხლით დაიწყო, რაც განზრახ მკვლელობის მცდელობას გულისხმობს.

იხილეთ ვიდეო: როგორია ბათუმში დაჭრილი ახალგაზრდა ქალის მდგომარეობა? - მეზობლებისა და ექიმის კომენტარები

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)