კალოუბნის ქუჩის მოსახლეობის ნაწილს, დღეს, გაზმომარაგება ავარიულად შეუწყდა. როგორც „ინტერპრესნიუსს“ „ყაზტრანსგაზ-თბილისიდან“ აცნობეს, 11:00 საათზე გაზმომარაგება ავარიულად შეუწყდა სამგორში, კალოუბნის ქუჩის №32, №34, №36, №36ბ/5 და №38-ში მდებარე კორპუსების მოსახლეობას. გაზის მიწოდების ეტაპობრივი აღდგენა დაიწყება დღესვე, ავარიის სალიკვიდაციო სამუშაოების დასრულების შემდეგ.
„შპს "ყაზტრანსგაზ-თბილისი" ბოდიშს უხდის აბონენტებს დისკომფორტისთვის და მოუწოდებს მათ არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში. მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს "ყაზტრანსგაზ-თბილისი" პასუხისმგებელი არ არის“, - აცხადებენ კომპანიაში.