ზუგდიდში, 43 წლის მამაკაცი მდინარეში ელექტროაპარატით თევზაობისას გარდაიცვალა

ზუგდიდში, მდინარე ჩხოუშიზე 43 წლის მამაკაცი ელექტროაპარატით თევზაობისას გარდაიცვალა. მას სავარაუდოდ დენმა დაარტყა. შემთხვევა გუშინ მოხდა.

როგორც „ინტერპრესნიუსს“ ზუგდიდის რეფერალურ ჰოსპიტალში განუცხადეს, მამაკაცი კლინიკაში შეყვანისას უკვე გარდაცვლილი იყო.

შინაგან საქმეთა სამინისტროს ცნობით, მომხდარზე გამოძიება საქართველოს სისხლის სამართლის კოდექსის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს.