პოლონეთში ქართული ღვინის დეგუსტაცია გაიმართა

პოლონეთის ქალაქ ტორუნში ქართული ღვინის დეგუსტაცია სახელწოდებით „ქართული ღვინო პოლონეთში“ გაიმართა, - ამის შესახებ "ინტერპრესნიუსს" ღვინის ეროვნული სააგენტოდან აცნობეს.

მათი ინფორმაციით, ღონისძიების ორგანიზატორი ღვინის ეროვნული სააგენტოს კონტრაქტორი კომპანია Vinisfera იყო. დეგუსტაციაზე მოწვეული იყო 30-მდე სტუმარი, მათ შორის: ღვინის იმპორტიორები, დისტრიბუტორები, რესტორნებისა და მაღაზიების მფლობელები და ღვინის ბლოგერები.

"ტორუნი ქართული ღვინისთვის ძალიან პერსპექტიული ადგილია, რადგან ეს ქალაქი პოლონეთის ტურისტულ და საგანმანათლებლო ცენტრად ითვლება. 1997 წელს ტორუნი „იუნესკოს“ კულტურული მემკვიდრეობის ძეგლების სიაში შევიდა", - ნათქვამია ინფორმაციაში.

დეგუსტაციაზე წარმოდგენილი იყო როგორც კლასიკური წესით დამზადებული, ისე ქვევრის ღვინოები. ქართული ღვინის პრეზენტაციას Vinisfera-ს ხელმძღვანელი, მარიუს კაპჩინსკი უძღვებოდა.

"პოლონეთი ქართული ღვინის ერთ-ერთ სტრატეგიულ ბაზარს წარმოადგენს და ქართული ღვინის ექსპორტიორი ქვეყნების ხუთეულში შედის. 2018 წლის იანვარ-აპრილის მონაცემებით, საქართველოდან პოლონეთში ექსპორტირებულია 1 მლნ-ზე მეტი ბოთლი ღვინო, რაც 24%-ით აღემატება წინა წლის ანალოგიურ მაჩვენებელს," - ნათქვამია ინფორმაციაში.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!