ხორავას ქუჩაზე მოკლული მოზარდის მამა პარლამენტში დროებითი საგამოძიებო კომისიის შექმნის შესაძლებლობას მიესალმება

ხორავას ქუჩაზე მოკლული მოზარდის დავით სარალიძის მამა, ზაზა სარალიძე პარლამენტში დროებითი საგამოძიებო კომისიის შექმნის შესაძლებლობას მიესალმება. ამის შესახებ სარალიძემ "ევროპული საქართველოს" ინიციატივის შეფასებისას განაცხადა, რომლის თანახმადაც, ხორავას ქუჩაზე მომხდარ მკვლელობასთან დაკავშირებით პარლამენტში დროებითი საგამოძიებო კომისია უნდა შეიქმნას. მოკლული მოზარდის მამა ამბობს, რომ მისთვის ნებისმიერი შემოთავაზება მისაღებია, რომელიც ამ საქმეზე ჭეშმარიტებას ფარდას ახდის.

„ნებისმიერ ადამიანთან მზად ვარ შესახვედრად. არ აქვს მნიშვნელობა ის მმართველი გუნდიდან იქნება თუ სხვა პარტიიდან, არ აქვს მნიშვნელობა ძალოვანი უწყება იქნება, პროკურატურა იქნება თუ უბრალო ადამიანი იქნება. ნებისმიერ შემოთავაზებას მივიღებ, ნებისმიერი ჯგუფის შექმნას მივესალმები. კი ბატონო, შექმნან პერსონალური ჯგუფი, რომელიც გამოიძიებს ამ საქმეს თავიდან ბოლომდე და ახდის ფარდას იმ ჭეშმარიტებას, რომელსაც დღესდღეობით შოთაძის უწყება მალავს. 6 თვეა გავიძახი უკვე დამნაშავეებს ფარავენ, დამნაშავეებს ფარავენთქო. სანამ ამხელა აჟიოტაჟი არ მოჰყვა და მთელი საქართველო გვერდით არ დამიდგა, მანამდე არ უნდა მოეხდინათ რეაგირება?!", - განაცხადა ზაზა სარალიძემ.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან