2019 წლისთვის აჭარას ჭვანას ტურისტული მარშრუტი შეემატება

მთიანი აჭარის ტურისტული მარშრუტების პოპულარიზაცია გრძელდება, - ამის შესახებ „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს.

აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით ტურისტული სააგენტოების წარმომადგენლებმა შუახევში, ჭვანას ხეობაში იმოგზაურეს, იქ არებულ ტურისტულ ღირსშესანიშნაოებებსა და სერვისებს გაეცნენ. ჭვანას ხეობა ბათუმიდან 58 კილომეტრში მდებარეობს.

დეპარტამენტის ინფორმაციით, ხეობაში მოგზაურობისას ტურისტებს საშუალება აქვთ დაათვალიერონ ჭვანას ულამაზესი ჩანჩქერი, ხაბელაშვილების თაღოვანი ხიდი და ოთოლთას ციხე. ასევე, ესტუმრნონ ადგილობრივებს, სადაც ნატურალური ხილის, თაფლისა და ადგილობრივი კერძების დაგემოვნება შეიძლება. ხეობაში ფუნქციონირებს ფანდურების სახელოსნო, სადაც ფანდურების შეძენის გარდა, მასტერკლასებში მონაწილეობაც შეიძლება.

ინფოტურის მონაწილეები, გარდა აღწერილი ტურისტული ადგილებისა, ხეობის მუზეუმსა და წისქვილების სოფელს სტუმრობდნენ. ისინი შუახევის ტურიზმის სამსახურის წარმომადგენლებსაც შეხვდნენ და შუახევის ტურისტული პროდუქტების შესახებ პრეზენტაცია მოისმინეს.

ტურისტული პროდუქტების განვითარების სააგენტოს დირექტორმა თინათინ ზოიძემ ჭვანას ტურისტულ მარშრუტზე ისაუბრა და აღნიშნა, რომ მასში შემდეგი წლისთვის საოჯახო-სასტუმრო სახლებსა და ტურისტულ სერვისებს შეიტანენ.

„ჭვანას ტურისტული მარშრუტი ახალია და მისი მარკირება 2019 წლისთვის იგეგმება. ეს არის მარტივი სათავგადასავლო მარშრუტი ულამაზეს ხეობაში, რომელიც მდიდარია ციხეებით, მდინარის პირას არსებული საპიკნიკე ადგილებით. აქ ბევრი ისეთი ადგილია, რასაც სხვაგან ვერ ნახავს ჩვენი ტურისტები. მაგალითად, სიმწვანეში ჩაფლული ხის ძველი მუშა წისქვილები და სოფელი, რომელიც წისქვილების სოფლის სახელითაა ცნობილი. ხეობაში მდებარეობს ჭვანას სავიზიტო ბარათი ხაბელაშვილების, 300 წლის ულამაზესი ხის თაღოვანი ხიდი. შემდეგი წლისთვის ჩვენ განვახორციელებთ ამ ულამაზეს ხეობაში ტურისტული მარშრუტის მარკირებას, მასში საოჯახო-სასტუმრო სახლებისა და ტურისტული სერვისების შეტანას,“ - განაცხადა ტურისტული პროდუქტების განვითარების სააგენტოს დირექტორმა თინათინ ზოიძემ.

აჭარის ტურიზმის დეპარტამენტის ტურისტული პროდუქტების სააგენტომ წელს 4 ინფოტურს გაუწია ორგანიზება. წლის ბოლომდე, სააგენტო ჯამში 10 ინფოტურის ჩატარებას გეგმავს მთიანი აჭარის სხვადასხვა ტურისტული მარშრუტების მიმართულებით.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს