სოლომონ პავლიაშვილმა „2030 წლის მდგრადი განვითარების კონფერენციაზე“ გარემოსდაცვით საკითხებზე ისაუბრა

გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა „2030 წლის მდგრადი განვითარების კონფერენციაზე“ გარემოსდაცვით საკითხებზე ისაუბრა, - ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.

„აშკარაა, რომ ჯანსაღი გარემო ადამიანის ჯანმრთელობისა და კეთილდღეობის ერთ-ერთი მთავარი წინაპირობაა. ვაღიარებთ რა გარემოს დაცვას, როგორც ადამიანის უფლებების განუყოფელ ნაწილს, საქართველოს მთავრობა ხელს უწყობს დაბინძურების მაქსიმალურად შემცირებით ადამიანის ჯანმრთელობისათვის უსაფრთხო გარემოს შექმნას“, - განაცხადა გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა კონფერენციაზე „2030 წლის მდგრადი განვითარების დღის წესრიგი - იმპლემენტაცია“.

როგორც მინისტრის მოადგილემ აღნიშნა, გარემოსდაცვითი კომპონენტი წარმოადგენს მდგრადი განვითარების მიზნების მნიშვნელოვან ნაწილს. აქედან გამომდინარე, მდგრადი განვითარების მიზნების პროცესში, მნიშვნელოვანია მუნიციპალური ნარჩენების მართვა, ქალაქებში ატმოსფერული ჰაერის ხარისხის გაუმჯობესება, ბიომრავალფეროვნების დაცვა და ტყის მდგრადი განვითარება.

„2030 წლის მდგრადი განვითარების დღის წესრიგი - იმპლემენტაციის კონფერენცია თბილისში“ ორდღიანია. მონაწილეები მდგრადი განვითარების თვალსაზრისით არსებულ გამოწვევებზე მსჯელობენ და დანერგილ პრაქტიკასა და გამოცდილებას განიხილავენ.

კონფერენციაში მონაწილეობას საქართველოს აღმსრულებელი ხელისუფლებისა და საკანონდებლო ორგანოს წევრები, გაეროსა და გერმანიის ფედერაციული რესპუბლიკის საელჩოს და არასამათავრობო ორგანიზაციების წარმომადგენლები იღებენ მონაწილეობას.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში