ისრაელის თავდაცვის ძალების ინფორმაციით, ღაზას სექტორიდან ისრაელის მიმართულებით 27 რაკეტა გაუშვეს
დღეს დილით ღაზას სექტორიდან ისრაელის მიმართულებით 27 რაკეტა გაუშვეს, - ამის შესახებ ინფორმაციას ისრაელის თავდაცვის ძალების პრესსამსახური ავრცელებს.
„ისრაელის არმიამ ღაზას სექტორიდან ისრაელის მიმართულებით რაკეტების გაშვების იდენტიფიცირება მას შემდეგ მოახდინა, რაც ღაზას სექტორის საზღვართან განმეორებით ამოქმედდა საჰაერო განგაშის სიგნალი“, - ნათქვამია განცხადებაში.
ისრაელის სამხედროების განცხადებით, საერთო ჯამში პალესტინელმა რადიკალებმა სამხრეთ ისრაელის მიმართულებით 27 რაკეტა გაუშვეს. ინფორმაცია დაშავებულებზე არ ვრცელდება.
ისრაელის თავდაცვის ძალებში აღნიშნეს, რომ რაკეტები ჩამოგდებული იყო ჰაერსაწინააღმდეგო თავდაცვის სისტემების მიერ.
