რელიგიების ისტორიისა და კულტურის სწავლების საკითხზე სამუშაო ჯგუფი უკვე ფორმირებულია,- ამის შესახებ განათლების და მეცნიერების მინისტრის მოადგილემ ლია გიგაურმა ჟურნალისტებს დასმული კითხვის საპასუხოდ განუცხადა. გიგაურის თქმით, ჯგუფის პირველი შეკრება დღეს გაიმართება.
"რელიგიების ისტორიისა და კულტურის სწავლების საკითხზე სამუშაო ჯგუფი უკვე ფორმირებულია. მათ დაიწყეს მუშაობა მიზნების შეჯერებაზე. რა თქმა უნდა, როდესაც სამუშაო ჯგუფი ჩამოყალიბდება კონცეპტუალურ ხედვაზე, მხოლოდ ამის შემდეგ დაიწყება ცალკეულ დეტალებზე მსჯელობა და სასწავლო პროგრამების მომზადება.
ჯგუფში ყველა კონფესიის წარმომადგენელია მოწვეული და დღეს ექნებათ პირველი შეკრება",- განაცხადა გიგაურმა.