გარემოს დაცვისა და სოფლის მეურნეობის სამინისტროს შპს „საქართველოს მელიორაცია“, „ინფრასტრუქტურის მშენებლთა ასოციაციასთან“ ერთად, სამშენებლო სექტორის წარმომადგენლებს შეხვდა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, შეხვედრაზე მხარეებმა სადრენაჟე და საირიგაციო სისტემებზე განსახორციელებელ ინფრასტრუქტურულ სამუშაოებთან დაკავშირებული საკითხები განიხილეს, შეაჯამეს საქართველოს მელიორაციის სამშენებელო პროექტები, რომლებსაც კომპანია უახლოეს მომავალში გეგმავს.

მათივე ცნობით, შეხვედრას 30-მდე დელეგატი ესწრებოდა, მათ შორის იყვნენ „ინფრასტრუქტურის მშენებლთა ასოციაციის“ წევრი და არაწევრი კომპანიების წარმომადგენლები.