ბელგიის ქალაქ ლიეჟში უცნობმა პირმა პოლიციელებს ცეცხლი გაუხსნა. შემთხვევის შედეგად დაიღუპა ორი პოლიციელი და ერთი შემთხვევითი გამვლელი, ორი პოლიციელი კი დაიჭრა. ამის შესახებ პოლიციაში საკუთარ წყაროზე დაყრდნობით ადგილობრივი გამოცემა Le Soir იუწყება. სამართალდამცველებმა მსროლელის ლიკვიდირება შეძლეს.
გამოცემის ინფორმაციით, თავდამსხმელმა მძევლის აყვანა და მიმალვა სცადა, თუმცა პოლიციელებმა მისი ლიკვიდირება მოახდინეს.
მომხდარის შესახებ ოფიციალური ინფორმაცია ლიეჟის პოლიციას ჯერ არ გაუვრცელებია.