ნათია მეზვრიშვილი - ცეცხლსასროლი იარაღის უკანონოდ შეძენა-შენახვა-ტარება მძიმე კატეგორიის დანაშაული ხდება და მასზე მხოლოდ თავისუფლების აღკვეთა გავრცელდება

ცეცხლსასროლი იარაღის შეძენა-შენახვა-ტარება მძიმე კატეგორიის დანაშაული იქნება და მასზე მხოლოდ თავისუფლების აღკვეთა გავრცელდება, – ამის შესახებ ჟურნალისტებთან საუბრისას შს მინისტრის მოადგილემ ნათია მეზვრიშვილმა განაცხადა.

მეზვრიშვილის ინფორმაციით, გახშირებულია ცეცხლსასროლი იარაღის მართლსაწინააღმდეგო შეძენა-შენახვა-ტარებისა და ამ იარაღით დანაშაულის ჩადენის ფაქტები, რამაც სისხლის სამართლის კანონმდებლობაში ცვლილებების აუცილებლობა განაპირობა.

„მკაცრდება სანქციები ცეცხლსასროლი იარაღის შეძენა-შენახვა-ტარებისათვის. ტარება ხდება მძიმე კატეგორიის დანაშაული, რომელიც საკმაოდ მკაცრად დაისჯება, სანქცია იქნება თავისუფლების აღკვეთა. ასევე სისხლის სამართლის კოდექსის მოქმედი რედაქციიდან განსხვავებით, მძიმე კატეგორიის დანაშაული ხდება ცეცხლსასროლი იარაღის შეძენა-შენახვა და ეს ქმედებაც საკმაოდ მკაცრად დაისჯება“, – აღნიშნა ნათია მეზვრიშვილმა.

კანონში დაგეგმილი ცვლილებების გათვალისწინებით, ცეცხლსასროლი იარაღის შეძენა ან შენახვა გამოიწვევს თავისუფლების აღკვეთას ვადით 3-დან 6 წლამდე, ხოლო ცეცხლასროლი იარაღის ტარება დაისჯება 4-დან 7 წლამდე პატიმრობით. სისხლის სამართლოს კოდექსში დაგეგმილი ცვლილებები დღეს იურიდიულ საკითხთა კომიტეტმა განიხილა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში