ადვოკატი ტარიელ კაკაბაძე - ბრალდების მხარეს არ აინტერესებს არღვევს თუ არა კანონს

ბრალდების მხარეს არ აინტერესებს არღვევს თუ არა კანონს და სურთ, გარკვეული პიარი გააჩაღონ და საზოგადოება დაარწმუნონ მათი პოზიციის მართებულობაში, - ამის შესახებ ჟურნალისტება ხორავას ქუჩაზე მოზარდების მკვლელობის საქმეზე ბრალდებული ერთ-ერთი არასრულწლოვანის ადვოკატმა ტარიელ კაკაბაძემ პროკურატურის მიერ საქმის მასალების ნაწილის გასაჯაროების შეფასებისას განუცხადა. როგორც ადვოკატმა აღნიშნა, მასალების გამოქვეყნების უფლება კანონით არც ბრალდების და არც დაცვის მხარეს არ აქვს.

"საქმეში იმდენი მტკიცებულება, იმდენი ჩვენება არსებობს, სადაც ერთიდაიგივე მოწმე სამჯერ ცვლის ჩვენებას, შემდეგ პროცესზე კიდევ რამდენჯერმე სრულიად განსხვავებულ ინფორმაციას აწვდის სასამართლოს, რომ ჩვენ შეგვეძლო აღნიშნული გამოგვექვეყნებინა, საზოგადოებისთვის გვეჩვენებინა, მაგრამ ეს იმიტომ არ გავაკეთეთ, რადგან არ გვსურდა კანონი დაგვერღვია. ამ ყველაფერს საზოგადოების მხრიდან ძალიან მძიმე რეაქცია მოჰყვებოდა. თუმცა, ბრალდების მხარეს არ აინტერესებს არღვევს თუ არა კანონს და სურთ, გარკვეული პიარი გააჩაღონ და საზოგადოება დაარწმუნონ მათი პოზიციის მართებულობაში. თუმცა, საზოგადოებამ უკვე კარგად დაინახა, რომ ბრალდების მხარის პოზიცია სრულიად უსაფუძვლოა. რაც მთავარია, დაზარალებულმა ძალიან კარგად დაინახა, რომ ბრალდების პოზიცია ფაქტებს, მტკიცებულებებს არ ეფუძნება და ძალიან შორს არის ჭეშმარიტებისგან. ბრალდების მხარეს საზოგადოება შეცდომაში შეჰყავს. ბრალდების მხარემ მასალები, საქმეში არსებული მტკიცებულებები გამოაქვეყნა და გვეუბნება, თითქოს ექსპერტმა თქვა, ეს იყო მაკრატლით მიყენებული ჭრილობები. რადგან ეს გამოაქვეყნა, მაშინ ბრალდების მხარემ ისიც გამოაქვეყნოს, სადაც ექსპერტი ამბობს, რომ მაკრატლით არის ჭრილობა მიყენებული. ასეთ რამეს ექსპერტი არსად არ ამბობს", - განაცხადა ტარიელ კაკაბაძემ.

ამასთან, ადვოკატის თქმით, ბრალდების მხარემ კარგად იცის თუ რა თქვა სასამართლოში ექსპერტმა, თუმცა არასწორ განმარტებებს შეგნებულად აკეთებენ.

"ექსპერტს არსად არ უთქვამს, რომ გამოყენებულია მაკრატელი, არც დასკვნაში წერია მსგავსი რამ, არც ინტერვიუს დროს, არც სასამართლოში დაკითხვის დროს უთქვამს მსგავსი რამე. ექსპერტმა თქვა - გამოყენებულია სხვადასხვა საგნები, რომლებიც არ არის დანა, გამოყენებულია სხვადასხვა მჭრელი ბასრი საგნები, რომლებიც კატეგორიულად ვაცხადებ, საქმეში არსებული დანები არ არისო. თუმცა, ამ საგნებში შესაძლებელია რომელიმე მაკრატლის მსგავსი საგანი იყოსო, ეს თქვა ექსპერტმა. აპრიორი, საქმეში მაკრატელია გამოყენებულიო, ასთი რამ ექსპერტს არსად უთქვამს. ბრალდების მხარის განმარტებები აღნიშნულთან დაკავშირებით, მიზნად ისახავს რომ საზოგადოება შეცდომაში შეიყვანოს. დარწმუნებული ვარ, ბრალდების მხარემ კარგად იცის რა თქვა ექსპერტმა, თუმცა, განმარტებებს შეგნებულად არასწორად აკეთებენ, რათა სურთ გაამართლონ თავიანთი არასწორად გამოძიებული სისხლის სამართლის საქმე", - განაცხადა კაკაბაძემ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)